Namana,
Raha miondrika ianao fa tsy zaka ny saina
Kivy ambony ihany mihevitra ny tsy vita
Aborahy ny mavesatra, etsy hozaraina
Hiaraha-mihevitra sy iaraha-mahita
Ataonao inona aho raha tsy hifanampy
Inona moa ny hevitry ny finamanana,
Ho any ankafa ve ianao no hiatsampy
Izaho anefa eto efa mitam-pihavanana.
Kanefa moa ny safidy anao irery ihany,
Isika samy olondehibe mahaleo tena
Tsy zakako ny mijery anao mitomany
Tsy vitan’ny foko ny mihenahena
Mahereza raha tsy hizara amiko ianao,
Mirary anao hahavaha olana izaho
Ny namana anie tsy voafetran’ny lalao
Fa natao ho elo amin’ny ora-mitraho.
© Chris. Christiane Ramian.
3/04/2016.
–