ANGAMBA…
Angamba efa marenina
Na hoe mahabadenina
Ny vola sy ny seza
Izay efa mievaeva
No hamonoana maso
Angamba dia ankaso
Fa mbola hoe andraso
Hita miha-mivaona
Ilay fampandrosoana
Fa toa lalao maloto…
Angamba efa donto
Na mety misafoto…
Ny tena toe-draharaha
Hitady tsy voavaha
Tsy hahità-maraina
Angamba tsy nisaina
Na tsy niferin’aina
Ny hatran-dreo madinika
Izay tsisy dinidinika
Taraina an-tany efitra
Angamba very hevitra
Na diso mievotrevotra
Fa izao dia hoe lalàna
Miampy famonjàna…
No sazin-dreo mivaza
Angamba manatavy
Fa tongatonga ho azy
Mamango faramparany
Mandroaka izay noloarany
Mitavana…manjifa
Fa taona iraika sisa e…
NARY
20/08/2016
Mouvement des Citoyens Malagasy de Paris 